Sinod Suśvietnaha patryjarchata pad kiraŭnictvam patryjarcha Varfałamieja pravioŭ čarhovuju siesiju, na jakoj razhledzieŭ prašeńnie Ukrainy ab pradastaŭleńni aŭtakiefalii.

«Takim čynam, jak sapraŭdnaja matčyna carkva, [Suśvietny patryjarchat] vyvučyŭ pytańni, jakija adnosiacca da carkoŭnaj situacyi va Ukrainie, što rabiłasia i ŭ minułyja sinadalnyja siesii», — havorycca ŭ paviedamleńni, apublikavanym na sajcie patryjarchata.

Sinod maje namier uzajemadziejničać z usimi siastrynskimi cerkvami dla vyrašeńnia situacyi va Ukrainie. «Atrymaŭšy ad carkoŭnych i hramadzianskich uładaŭ, jakija pradstaŭlajuć miljony ŭkrainskich pravasłaŭnych chryścijan, prašeńnie ab pradastaŭleńni aŭtakiefalii, [Sinod] vyrašyŭ padtrymlivać ciesnuju suviaź i ŭzajemadziejničać ź siastrynskimi pravasłaŭnymi cerkvami pa hetym pytańni», — adznačajecca ŭ paviedamleńni.

Prezident Ukrainy Piatro Parašenka ŭ svaju čarhu paviedamiŭ, što Suśvietny patryjarchat pačynaje pracedury, nieabchodnyja dla pradastaŭleńnia aŭtakiefalii Ukrainskaj pravasłaŭnaj carkvy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?