Ministerstva infarmacyi abiacaje da druhoha čytańnia razhladzieć prapanovy Biełaruskaj asacyjacyi žurnalistaŭ da papravak u Zakon ab ŚMI. Pra heta na pres-kanfierecyi ŭ Minsku zajaviŭ namieśnik ministra Pavieł Lohki, paviedamlaje BAŽ.

— Užo było vykazana šmat prapanoŭ i zaŭvah da zakonaprajekta, jaki ciapier razhladajecca ŭ Pałacie pradstaŭnikoŭ. Zaraz idzie spakojnaja adpracoŭka ŭsich zaŭvah i prapanoŭ. Praca idzie jak u Ministerstvie infarmacyi, tak i ŭ profilnaj kamisii, — zajaviŭ namieśnik ministra.

— Praca heta nie kułuarnaja, da jaje buduć pryciahvacca i pradstaŭniki hramadskich arhanizacyj, ale ŭžo ŭ spakojnym režymie. U farmacie kruhłaha stała, u farmacie pracoŭnych hrup buduć abmiarkoŭvacca kankretnyja detali.

Buduć abmiarkoŭvacca zaŭvahi i prapanovy, jakija pradstaŭlenyja ŭ tym liku i Biełaruskaj asacyjacyjaj žurnalistaŭ, i šeraham našych deputataŭ, i žurnalistami — ludźmi, jakija paličyli nieabchodnym vykazacca ad imia hramadskaści nakont dadzienaha zakona. Taksama jość peŭnyja zaŭvahi z boku dziaržaŭnych arhanizacyj, z boku dziaržaŭnych ŚMI.

Ciapier prajekt zakona prachodzić važny etap detalnaj adpracoŭki ŭsich zaŭvah i prapanoŭ. Ja nie vyklučaju, što da druhoha čytańnia ŭ prajekcie zakona adbuducca peŭnyja źmieny, i jon budzie pradstaŭleny nie ŭ tym vyhladzie, u jakim prachodziŭ pieršaje čytańnie, — dadaŭ namieśnik ministra.

Клас
Панылы сорам
Ха-ха
Ого
Сумна
Абуральна