54-hadovy deputat z Kareličaŭ Andrej Navumovič uznačalvaje kamisiju pa pravach čałavieka, nacyjanalnych adnosinach i ŚMI u Pałacie pradstaŭnikoŭ.

Andrej Navumovič, fota souzveche.ru

Andrej Navumovič, fota souzveche.ru

Niadaŭna jon viarnuŭsia z francuzskaha Strasburha, dzie, u składzie delehacyi parłamientaryjaŭ, udzielničaŭ u pasiedžańni Kamiteta pa palityčnych pytańniach i demakratyi Parłamienckaj asamblei Rady Jeŭropy.

Navumovič šmat čaho nahavaryŭ: naprykład, anansavaŭ mahčymaść skasavańnia kryminalnaj adkaznaści za «dziejnaść ad imia niezarehistravanaj arhanizacyi», pradekłaravaŭ adkrytaść da supracoŭnictva dy inšaje.

Taksama jon skazaŭ, što nie razumieje asobnych paprokaŭ u kantekście papravak u Zakon ab ŚMI. 

«Partyzan, Chartyja, Jeŭraradyjo, — što chočaš, toje i čytaj, usio adkryta!» — kazaŭ jon u Francyi. 

Karespandent «Našaj Nivy» pazvaniŭ deputatu, kab udakładnić, navošta jon uvodziŭ u zman jeŭrapiejskich parłamientaryjaŭ — «Chartyja'97» ž zabłakavanaja ŭ Biełarusi. 

Pryvodzim dasłoŭnuju ścienahramu razmovy.

Vy kazali, što možna zajści na sajt Chartyi, i prapanoŭvali heta zrabić. Nie mahli b vy patłumačyć, što mieli na ŭvazie? Z terytoryi Francyi na sajt zojdzieš, kaniečnie.

— A što tut dadavać da skazanaha? 

Viadoma, što na terytoryi Biełarusi «Chartyja» zabłakavanaja. 

— Dyk a jana tolki na terytoryi Chartyi zabłakavana? 

Na terytoryi Biełarusi. 

— Dyk a mnie kazali, što na terytoryi Biełarusi jana nie zabłakavana… Jana zabłakavanaja ci nie?

Vy ž staršynia kamisii pa ŚMI, ja dumaŭ, vy lepš prajaśnicie hetaje pytańnie. 

— Nie, dyk vy ž mnie vo skazali… mnie skazali, što nie, tamu i ja skazaŭ, tamu. Ja atrymaŭ takuju infarmacyju. 

— Vy nie praviarali? 

— Mnie skazali, što nie zabłakavana. Davajcie zaraz pasprabujem zajści, pačakajcie. Zara' pahladzim, zara' pahladzim… Tak… [vidać, adkryvaje pošuk u internecie] Chartyja'97, naviny Biełarusi. Nie ŭdajecca atrymać dostup da Biełarusi… Pačakajcie… Nie, voś jość, usio jak pałožana.

U vas adkryvajecca? 

— Kaniečnie! Pa hetych mierkavańniach ja i skazaŭ, usio, kali łaska! Moža, tolki, viedajecie, tam pamyłka adbyłasia, ja nie viedaju. U Strasburhu niejak było adkryta, niechta tam vašy ci nie vašy, kazali, što nie adkryvajecca, ale ŭ mianie adkryta — niama pytańniaŭ.

Davajcie ŭdakładnim adras, u vas tam sapraŭdy adras charter97.org?

— Nu tak, vidać, tak. Tamu niama pytańniaŭ. 

A što ŭ vas za pravajdar? 

— Nu Pałata pradstaŭnikoŭ, ja praz Pałatu pradstaŭnikoŭ pracuju. Voś, Chartyja97 UKantakcie! 

Dyk vy UKantakcie hladzicie? 

— Tak, Chartyja'97 UKantakcie. 

A sam sajt vy možacie adkryć? Charter97.org. 

— Naviny Biełarusi, tak? Chartyja97 — naviny Biełarusi? 

Tak, samaja pieršaja spasyłka ŭ huhle. 

— Nu tut napisana pierazahruzić… A heta maje niejkaje značeńnie, kali voś UKantakcie pracuje? Niama pytańniaŭ. 

Zrazumieła. 

— Stojcie, ź jakoj metaj vy zadali pytańnie? Ja pavinien viedać. 

Viadoma, što sajt Chartyi zabłakavany, nam cikava, čamu vy…

— (pierabivaje) Nu ja ž karystajusia! 

A vy adčuvajecie roźnicu pamiž sajtam i supołkaj UKantakcie? 

— Nu roźnica jość, kaniečnie. 

Tamu ja vam i kažu pra sajt… 

— Tak, Chartyja, naviny Biełarusi, tak? Praz voś heta… Infarmacyja nie adkryvajecca. Pierazahruzić tut možna, padrabiaźniej… Vašy prapanovy?

U mianie prapanoŭ niama, ja chacieŭ vyśvietlić, ci heta vy naŭmysna skryvadušyli. A tut vychodzić, što vy nie viedali.

— Jak kryvadušyŭ? Ja adkryvaŭ Chartyju praz kantakty. 

Bolš niama pytańniaŭ, da pabačeńnia. 

— Da pabačeńnia. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?