Aŭtar sprabuje zrazumieć, «navošta rasijanie pryniali takoje rašeńnie», a taksama analizuje tvorčaść piśmieńnicy:

«Paśla raspadu SSSR Aleksijevič syšła ŭ cień, jaje knižki navat addalena nie nahadvali pa paśpiachovaści pieršynca, vychodzili ŭ Rasii ścipłymi nakładami.

Ale litaratarka nie zdałasia, źjechała na Zachad i sabrała pablisici na publičnaj rusafobii.

Praz toje, što Łukašenka ŭ nulavyja hady nasiŭ tytuł «apošniaha dyktatara Jeŭropy», jaki ciapier nie ŭžyvajecca, dadatkovyja bonusy Aleksijevič zarabiła vypadami ŭ jaho adras», — piša Maćvijenka.

Maćvijenka pierakonvaje, što Aleksijevič nie prosta stvaraje rezka admoŭny vobraz čyrvonaarmiejca pieryjadu Vialikaj Ajčynnaj vajny, ale taksama asvojvaje rasijskija hrošy na tyražavańnie svaich idej.

«U internecie aktyŭna musiravałasia pytańnie: navošta było naohuł źbirać 20 tysiač dalaraŭ na vydańnie knih Aleksijevič, niaŭžo ŭ jaje samoj niama? Abo Nobieleŭskaja premija prafukana ŭ nul? Pastanoŭka pytańnia niapravilnaja. Jano pavinna było farmulavacca inakš: čamu ni adno vydaviectva nie pryniała na siabie kamiercyjnuju ryzyku publikacyi? Advažusia padumać: z-za adsutnaści harantyj, što zmoža pradać patrebnuju častku nakładu, tym bolš na biełaruskaj movie», — adznačaje Maćvijenka.

Aŭtar nie viedaje, čamu «Hazprom» daŭ hrošy na vydańnie knih Aleksijevič, ale najbolš imaviernaj ličyć viersiju, što heta prostaja realizacyja savieckaha padychodu «kali nie možaš spynić što-niebudź, to arhanizuj i ŭznačal heta sam»:

— Rasijski bank kupiŭ sabie prava rasparadzicca nakładam. Niešmatlikim biełarusam-achviaradaŭcam knižki syduć, kudy adpraviacca astatnija asobniki — ubačym u najbližejšaj budučyni.

U inšaj publikacyi na hetuju temu na čarnasocienskim sajcie IA Rex staršyniu praŭleńnia «Biełhazprombanka» Viktara Babaryku nazyvajuć «dekłamataram łozunhaŭ biełaruskich nacyjanalistaŭ, jakija supracoŭničali ź niamieckimi akupantami», a taksama

«sponsaram šerahu sumniŭnych prajektaŭ, siarod jakich — skupka za miažoj roznych pradmietaŭ kalekcyjanavańnia, finansavaja padtrymka roznych «śviadomych» dziejačaŭ, jakija nie ŭtojvajuć svaich nacyjanalistyčnych i prazachodnich pohladaŭ».

Viktar Babaryka.

Viktar Babaryka.

«Na ŭsio heta tracilisia hrošy daččynaj struktury rasijskaj kampanii»,

aburajecca IA Rex.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?