U kułuarach vystavy «ŚMI ŭ Biełarusi — 2018» «Naša Niva» pahutaryła z Paŭłam Lohkim — namieśnikam ministra infarmacyi. 

Lohki zajmaje hetu pazicyju niadaŭna, ad pačatku 2018 hoda. Dahetul jon piać hod pracavaŭ u Rasii ŭ biełaruskim pasolstvie, jašče raniej uznačalvaŭ pres-słužbu Alaksandra Łukašenki. 

Što źmianiłasia ŭ Biełarusi za čas raboty ŭ Maskvie? Čym adroźnivajucca narody? — takija pytańni my zadali čynoŭniku. 

Fota Siarhieja Hudzilina.

Fota Siarhieja Hudzilina.

«Ja nie rablu vialikich adroźnieńniaŭ, što datyčyć narodaŭ, — skazaŭ Lohki. — A tak… Šmat novaha, kaniečnie. Mnie padabajecca, što źjaviłasia šmat novych budynkaŭ, što ŭkaraniajucca novyja technałohii. Słovam, mnie padabajecca ŭ Biełarusi. Maskva — heta vydatny horad, pryhožy, ale ciažki dla žyćcia. Doma i mnie, i majoj siamji lepš, dychajecca tut lahčej. U kožnaha horada svoj rytm. Tam svoj rytm, žudasny trafik: u Minsku ja mahu płanavać šmat spraŭ i zrabić ich u roznych kropkach horada. A ŭ Maskvie bolš za dźvie spravy prosta nie spłanuješ», — skazaŭ Lohki. 

Taksama my pacikavilisia, jakija zamiežnyja telekanały padabajucca čynoŭniku. 

«Ja aśvietnickija pieradačy lublu: historyja, padarožžy, što źviazana z pryrodaj. Tam, mnie možna i pahladzieć, i adpačyć adnačasova: National Geographic, Discovery, Viasat History», — skazaŭ jon. 

Na pytańnie, kali biełaruskija kanały pa jakaści kantenta dahoniać nazvanyja, Lohki adžartavaŭsia: «Spytajcie ŭ našych pavažanych kiraŭnikoŭ kanałaŭ. Ja dumaju, im varta adrasavać hetaje pytańnie. Usio ŭ ich rukach, ja nie mahu ŭmiešvacca ŭ redakcyjnuju palityku».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?