35-hadovy žychar haradskoha pasiołka Vietryna Połackaha rajona raźmiaściŭ «Ukantakcie» iłžyvy dopis, u jakim raspavioŭ pra terakt, jaki nibyta adbudziecca ŭ połackim handlovym centry. Mužčyna napisaŭ: «Ja rychtavaŭ bombu! Budzie terakt u Połacku. U maniežy!».

Zrabiŭ jon heta ŭ zakład. Kali mužčyna znachodziŭsia ŭ haściach, jon paspračaŭsia z haspadarami, što zapis nie pryciahnie ŭvahu pravaachoŭnikaŭ i nichto na jaho nie adreahuje.

Heta paviedamleńnie ŭ sacyjalnaj sietcy ŭbačyŭ žychar Murmanska i adpraviŭ skrynšot svajoj znajomaj z Połacku. Mienavita jana i źviarnułasia ŭ milicyju. Paśla atrymańnia tryvožnaha sihnału supracoŭnikami sapiorna-piratechničnaj hrupy byŭ abśledavany handlovy centr «Maniež». Vybuchovaniebiaśpiečnych pradmietaŭ vyjaŭlena nie było.

Za zahadzia iłžyvaje paviedamleńnie ab niebiaśpiecy ŭ dačynieńni da žychara raspačata kryminalnaja sprava pa č. 1 art. 340 KK.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?