Supracoŭniki adździeła pa baraćbie z ekanamičnymi złačynstvami UUS Babrujskaha harvykankama vyjavili złačynnuju schiemu, u jakoj udzielničali top-mieniedžary dziaržaŭnych pradpryjemstvaŭ horada, paviedamlaje BiełTA.

Słužbovyja asoby AAT «TAiM», «Kirujučaja kampanija chołdynhu «Babrujskahramaš» pa papiaredniaj damoŭlenaści z pastaŭščykami łabiravali ich intaresy pa pastaŭcy tavaraŭ. Za svaje «pasłuhi» jany atrymlivali chabar u pamiery 2% ad sumy pieraličanych hrošaj.

U pačatku krasavika supracoŭniki milicyi zatrymali načalnika adździeła materyjalna-techničnaha zabieśpiačeńnia AAT «Babrujskahramaš» pry atrymańni čarhovaha chabaru ŭ $ 1415, a taksama chabaradavalnika — pradstaŭnika kamiercyjnaj struktury.

U kancy krasavika supracoŭnikami ABEZ UUS byŭ zatrymany namieśnik dyrektara AAT «TAiM», jaki ŭ jakaści pasiarednika atrymaŭ u červieni 2017 hoda chabar u $300 za vyrašeńnie pytańnia ab zaklučeńni damovaŭ. Praź miesiac jon atrymaŭ $750.

U dačynieńni da słužbovych asob była abrana miera strymańnia ŭ vyhladzie ŭtrymańnia pad vartaj, rasśledavańnie kryminalnych spraŭ praciahvajecca.

Клас
Панылы сорам
Ха-ха
Ого
Сумна
Абуральна