Upraŭleńnie pa pytańniach kankurencyi j spažyŭcoŭ Polščy pačało pravierku ŭ adnosinach da kancernu «Hazprom» i piaci inšych mižnarodnych arhanizacyj, jakija adkazvajuć za finansavańnie hazapravodu Nord Stream 2.

Polskaje ŭpraŭleńnie padazraje, što ŭdzielniki prajektu, niahledziačy na pratest polskaha boku, nadalej finansujuć investycyju.

Staršynia Ŭpraŭleńnia pa pytańniach kankurencyi j spažyŭcoŭ Marek Niechciał nahadvaje, što dva hady tamu zhadanyja kampanii planavali stvaryć kansorcyjum dla finansavańnia budaŭnictva trubapravoda.

Marek Niechciał (Marek Niechciał) padkreślivaje, što polskaje Ŭpraŭleńnie pa pytańniach kankurencyi j spažyŭcoŭ nie dało na heta dazvołu, pakolki stvareńnie kansorcyjumu ŭmacavała b kancern «Hazprom», jaki j tak daminavaŭ na rynku. 

Polskaje ŭpraŭleńnie padazraje, što niahledziačy na pratest polskaha boku byŭ stvorany niefarmalny kansorcyjum, dziejańni jakoha źjaŭlajucca niezakonnymi.

Marek Niechciał padkreślivaje, što pravierka pradvyznačyć, ci trubapravod budzie pabudavany. Jon padkreślivaje, što sprava maje biezprecedenty charaktar. 

Za parušeńnie zabarony kancentracyi kampanijam pahražaje štraf u pamiery da 10% abarotu

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?