«Biełavija» 25 maja arhanizuje dadatkovy rejs na finał Lihi čempijonaŭ dla pieravozki zaŭziataraŭ «Livierpula».

Hetuju infarmacyju raźmiaściŭ u fejsbuku namieśnik hienieralnaha dyrektara pa markietynhu i źniešnieekanamičnaj dziejnaści avijakampanii Ihar Čarhiniec.

«Biełavija» vykanaje 25 maja dadatkovy rejs u Łondan dla pieravozki zaŭziataraŭ futbolnaha kłuba «Livierpul» praź Minsk u Kijeŭ (na abodvuch rejsach V2-852 i V2-832 z Łondana svabodnych miescaŭ nie zastałosia)», - paviedamiŭ namieśnik hiendyrektara avijakampanii.

Ihar Čarhiniec adznačyŭ, što ź Minska ŭ Kijeŭ užo amal niama miescaŭ na ŭsie rejsy, jakija prybyvajuć u Kijeŭ 25 i 26 maja da pačatku finalnaha matču Lihi čempijonaŭ UEFA pamiž «Livierpulem» i madrydskim «Reałam».

«Biełavija» vykonvaje piać štodzionnych rejsaŭ ź Minska ŭ kijeŭskija aeraporty Žulany i Baryspal.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?