Z 10 maja Google budzie błakavać usiu rekłamu, źviazanuju z praviadzieńniem refierendumu pa abortach u Irłandyi.

«U vyniku pavieličeńnia namahańniaŭ dla zabieśpiačeńnia sumlennych vybaraŭ va ŭsim śviecie, my vyrašyli prypynić usie rekłamnyja abjavy, źviazanyja z refierendumam ab Vośmaj papraŭcy da Kanstytucyi Irłandyi», — havorycca ŭ zajavie kampanii.

Refierendum pavinien adbycca 25 maja. Vybarščyki pavinny vyrašyć, admianiać ci nie normu kanstytucyi krainy, u jakoj havorycca ab pravie na žyćcio nienarodžanych. Zaraz u Irłandyi pierapynieńnie ciažarnaści zdarajecca tolki ŭ ekstrannych situacyjach.

Vybarčaje zakanadaŭstva Irłandyi zabaraniaje zamiežnym arhanizacyjam finansavać udzielnikaŭ vybarčych kampanij. Adnak sacyjalnyja sietki mohuć raźmiaščać rekłamu, prafinansavanuju z-za miažy.

Клас
0
Панылы сорам
0
Ха-ха
0
Ого
0
Сумна
0
Абуральна
0