Dzicia zahinuła ŭ avaryi ź mikraaŭtobusam i traktaram u Kamianieckim rajonie, paviedamiła UDAI Bresckaj vobłaści.
DTZ adbyłosia siońnia kala 7-j ranicy na 54-m kiłamietry aŭtadarohi R-98 la vioski Martyniuki.
Pavodle papiaredniaj infarmacyi, kiroŭca za rulom aŭtamabila «Reno Majstar» sutyknuŭsia z pahruzčykam Amkador jakim kiravaŭ miascovy žychar. U vyniku sutyknieńnia zahinuła dzicia-pasažyr 2005 hoda naradžeńnia, hramadzianin Ukrainy, jaki znachodziŭsia na piarednim pasažyrskim siadzieńni.
Pa źviestkach Ministerstva achovy zdaroŭja, u avaryi paciarpieli dzieci z ukrainskaj futbolnaj kamandy. Adno dzicia zahinuła, jašče šaściora dziaciej ź ciažkimi traŭmami byli dastaŭlenyja ŭ Kamianieckuju centralnuju rajonnuju balnicu. Va ŭsich paciarpiełych dyjahnastavany čerapna-mazhavyja traŭmy roznaj stupieni ciažkaści, a taksama pierałomy i vyvichi. Adno dzicia znachodzicca ŭ ciažkim stanie i padłučana da aparata štučnaj vientylacyi lohkich.
Ministr achovy zdaroŭja Valeryj Małaška uziaŭ situacyju pad asabisty kantrol. «Lepšyja lekary Biełarusi i ŭsie nieabchodnyja materyjalna-techničnyja resursy zadziejničany dla akazańnia dapamohi paciarpiełym u avaryi dzieciam», — skazaŭ jon.
Na miescy zdareńnia pracujuć supracoŭniki DAI i śledča-apieratyŭnaja hrupa.