Fota z sajta xsport.ua
Ukrainski baksior Vasil Łamačenka pieramoh techničnym nakaŭtam vieniesuelca Chorchie Linaresa i zavajavaŭ tytuł čempijona śvietu pa viersii Suśvietnaj baksiorskaj asacyjacyi (WBA) u lohkaj vazie.
Fota: 24tv.ua
Boj, jaki prajšoŭ u subotu ŭ Ńju-Jorku, zaviaršyŭsia pieramohaj Łamačenki techničnym nakaŭtam u dziesiatym raŭndzie.
«Nadzvyčaj paśpiachovaja noč dla ŭsich zaŭziataraŭ boksa va Ukrainie i va ŭsim śviecie. Naš Vasil Łamačenka ŭ čarhovy raz bliskuča pieramoh na lehiendarnaj arenie Madison Square Garden, upeŭniena adoleŭšy baksiora ź Vieniesueły Chorchie Linaresa. Vinšujem našaha čempijona! Ty mieha kruty!» — napisaŭ prezident Ukrainy Piatro Parašenka.
30-hadovy Łamačenka ustanaviŭ rekord pa najmienšaj kolkaści bajoŭ, jakija spatrebilisia, kab zavajavać tytuł čempijona śvietu siarod prafiesijanałaŭ u troch vahavych katehoryjach — 12. Pieramoha stała dla Łamačenki 11-j u dvanaccaci bajach. U śniežni 2017 hoda ŭkrainiec abaraniŭ čempijonski pojas u napaŭlohkaj vazie pa viersii Suśvietnaj baksiorskaj arhanizacyi (WBO), pieramohšy kubinca Hiljerma Ryhonda. Adzinuju parazu spartoviec paciarpieŭ u sakaviku 2014 hoda ŭ bai suprać mieksikanca Arłanda Salida.