Twitter/@theSowong
Złačyncy, jakija ŭčynili vybuchi ŭ troch cerkvach u Indaniezii, byli členami adnoj siamji, paviedamlaje ABC sa spasyłkaj na načalnika Nacyjanalnaj palicyi Indaniezii.
Udakładniajecca, što baćka zładziŭ pieršy vybuch z dapamohaj aŭtamabila, dvoje jaho synoŭ, 18 i 16 hadoŭ, učynili druhi vybuch z vykarystańniem matacykła.
Maci i dzieci 12 i 9 hadoŭ učynili treci vybuch. Jany byli apranutyja jak vierniki i padčas słužby znachodzilisia ŭnutry carkvy, paśla čaho pryviali ŭ dziejańnie bomby.
Adkaznaść za vybuchi ŭziała «Isłamskaja dziaržava».
Pieršy vybuch u niadzielu prahrymieŭ pobač z katalickaj carkvoj Śviatoj Maryi ŭ horadzie Surabaja na vostravie Java a 7:15 ranicy pa miascovym časie (roźnica ź Minskam — 2 hadziny), nastupnyja dva vybuchi adbylisia ź intervałami kala piaci chvilin u tym ža horadzie. Druhi vybuch prahrymieŭ u pratestanckaj carkvie, treci — u carkvie piacidziasiatnikaŭ.
Jak paviedamlaŭ Rojterz, u vyniku vybuchaŭ zahinuli 11 čałaviek i 40 paciarpieli.
Reuters