president.gov.by
Alaksandr Łukašenka prymie ŭdzieł u forumie ekśpiertnaj inicyjatyvy «Minski dyjałoh», jaki projdzie 23—25 maja ŭ Minsku. Pra heta na bryfinhu raspaviali arhanizatary forumu Jaŭhien Prejhierman i Dzianis Mieljancoŭ.
Tema forumu — «Uschodniaja Jeŭropa: u pošukach biaśpieki dla ŭsich». Pa słovach arhanizataraŭ forum «Minskaha dyjałohu» pavinien «pakłaści pačatak štohadovamu adkrytamu i maštabnaha dyjałohu pamiž zaprošanymi viadučymi ekśpiertami z Uschodniaj Jeŭropy, Jeŭrapiejskaha sajuza, Rasii, ZŠA i Kitaja».
U forumie prymie ŭdzieł bolš za 350 udzielnikaŭ, ź ich bolš za 200 — mižnarodnyja z 40 krain śvietu. Pa słovach arhanizataraŭ, na forumie płanujecca razhledzieć maštabnyja pytańni: źmianieńnie mižnarodnaha paradku, reformu mižnarodnych arhanizacyj, sankcyjnuju vajnu pamiž Rasijaj i Zachadam, implemientacyju «Mienskich pahadnieńniaŭ» i inšyja.
Biełaruski kiraŭnik adkryje plenarnuju siesiju «Jak zrabić Uschodniuju Jeŭropu rehijonam supracoŭnictva, a nie kanfrantacyi?».
Na forumie taksama vystupiać ministr zamiežnych spraŭ Uładzimir Makiej, eks-prezident Polščy Alaksandr Kvaśnieŭski, Hienieralny sakratar Arhanizacyi pa biaśpiecy i supracoŭnictvie ŭ Jeŭropie Tomas Hreminhier, były Hienieralny sakratar ADKB Mikałaj Bardziuža i inšyja.
