Strašnaja avaryja adbyłasia 13 maja kala 21.30 na 147 m kiłamietry trasy Minsk — Homiel, na terytoryi Kiraŭskaha rajona. Pad koły lehkavika, za rulom jakoha znachodziŭsia 43-hadovy žychar Homiela, vyskačyŭ łoś.
Pa słovach načalnika adździaleńnia pa ahitacyi i prapahandzie DAI UUS Mahiloŭskaha abłvykankama Jaŭhiena Žylinskaha, u mašynie, akramia kiroŭcy, byŭ jaho syn — 20-hadovy student Homielskaha ŭniviersiteta imia Skaryny — i siabar syna, taksama hamialčanin, dziesiacikłaśnik adnoj z homielskich škoł, paviedamlaje sb.by.
Paśla DTZ syna kiroŭcy «chutkaja» zabrała ź miesca avaryi ŭ traŭmatałohiju Babrujskaj centralnaj balnicy. Jaho baćku i siabru, na žal, miedyki dapamahčy ŭžo ničym nie mahli — ad atrymanych traŭmaŭ tyja pamierli na miescy. Vinavaty ŭ DTZ — łoś — nie vyžyŭ taksama.
