Foto Dmitrija Bruško, Tut.by
«Budzie dakład prezidentu krainy niepasredna na placoŭcy stancyi. My pavinny być absalutna hatovyja da hetaha», — skazaŭ Siamaška.
«Treba da kanca 2019-ha hoda ŭvieści enierhabłok №1 i litaralna praz paŭhoda, da 1 lipienia 2020 hoda, uvieści ŭ pramysłovuju ekspłuatacyju, uklučyć u sietku, vyjści na prajektnuju mahutnaść enierhabłok №2. Heta tema hałoŭnaja i adzinaja ŭ nas z «Rasatamam».
Vice-premjer nahadaŭ, što ŭvod AES u ekspłuatacyju dazvolić źnizić spažyvańnie pryrodnaha hazu na 5,5 młrd kub m u hod da 14,5 młrd. «Heta minus 7—10 młn ton vykidaŭ parnikovych hazaŭ», — udakładniŭ jon.
Inšym pazityŭnym efiektam budzie raźvićcio ŭ Biełarusi elektratranspartu. «Try dziasiatki elektrobusaŭ jeździć pa Minsku, jany pryžylisia, usim padabajecca. A my bačym pramy efiekt — źnižeńnie na 15% enierhii ŭ paraŭnańni z tralejbusam», — dadaŭ jon.