Čalcy asacyjacyi «Volnaje słova» apublikavali zajavu z patrabavańniem pieradać asudžanaha ŭ Rasii na 20 hadoŭ Aleha Siancova uładam Ukrainy. Zvarot byŭ nakiravany da ŭdzielnikaŭ Pieciarburhskaha ekanamičnaha forumu (PMEF).
«My patrabujem adpravić Siancova na jaho radzimu - va Ukrainu. Śmierć Aleha Siancova stanie hańbaj dla Rasii i nazaŭsiody zaplamiŭ tych, chto moh by jaho vyratavać, ale nie vyratava », - havorycca ŭ paviedamleńni arhanizacyi ŭ Facebook.
U asacyjacyi ličać, što Siancoŭ, jaki pačaŭ haładoŭku, pojdzie da kanca.
Pad zajavaj taksama padpisalisia členy Sankt-Pieciarburhskaha PEN-kłuba i «Volnaha histaryčnaha tavarystva». Usiaho z zaklikam vystupili bolš za 130 dziejačaŭ kultury i navuki, siarod jakich apynulisia łaŭreat Nobieleŭskaj premii pa litaratury biełaruska Śviatłana Aleksijevič, žurnalisty Siarhiej Parchomienka i Zoja Śvietava, a taksama piśmieńniki Viktar Šenderovič, Ludmiła Ŭlickaja, Uładzimir Vajnovič i Alaksandr Archanhielski.
Aleh Siancoŭ byŭ zatrymany ŭ Krymie i asudžany na 20-hadovy turemny termin pavodle abvinavačvańnia ŭ teraryźmie, na minułym tydni jon abviaściŭ biesterminovuju haładoŭku ŭ kałonii «Bieły miadźviedź» u Jamała-Nienieckaj aŭtanomnaj akruzie. Siancoŭ patrabuje vyzvaleńnia 64 ukrainskich palitviaźniaŭ u Rasii.
