Novaja rasijskaja jadziernaja rakieta, jakaja, jak zajaŭlałasia, maje nieabmiežavany radyus dziejańnia, pakul pravaliła ŭsie vyprabavańni. Pra heta paviedamlajuć krynicy, znajomyja sa spravazdačaj raźviedki ZŠA pa prahramach ŭzbrajeńnia, piša CNBC.
U pačatku hetaha hoda prezident Rasii Uładzimir Pucin pachvaliŭsia tym, što ŭ jaho krainie źjaviłasia novaja jadziernaja rakieta ź nieabmiežavanym radyusam dziejańnia. Adnak, pa słovach krynic, jakija razmaŭlali z CNBC na ŭmovach ananimnaści, novuju kryłatuju rakietu vypraboŭvali čatyry razy ź listapada pa luty, i kožny raz pravalna.
Raźviedka pryjšła da vysnovy, što samy doŭhi vyprabavalny palot doŭžyŭsia ŭsiaho bolš za dźvie chviliny, a rakieta pralacieła 22 mili, a paśla kantrol nad joj byŭ stračany i jana raźbiłasia. Samaje karotkaje vyprabavańnie doŭžyłasia čatyry siekundy, rakieta tady pralacieła piać mil.
Zbroja, jakaja znachodzicca ŭ raspracoŭcy z pačatku 2000-ch hadoŭ, jak miarkujuć, vykarystoŭvaje bienzinavy ruchavik dla ŭźlotu, a zatym pieraklučajecca na jadzierny ruchavik dla palotu.
Vyprabavańni, mabyć, pakazali, što jadzierny ruchavik kryłataj rakiety nie zapuskajecca i zbroja nie zmahła dasiahnuć zdolnaści nieabmiežavanaha palotu, pra što zajaŭlaŭ Pucin.
Krynicy paviedamili, što zahady pravodzić testy byli addadzieny vysokapastaŭlenymi kramloŭskimi čynoŭnikami, niahledziačy na piarečańni inžynieraŭ, vykazali zakłapočanaść z nahody taho, što sistema da hetaha času znachodzicca ŭ začatkavym stanie.
Pry hetym CNBC paviedamlaje, što inšaja rasijskaja rakieta ź jadziernaj bojehałoŭkaj — «Avanhard» z hipierhukavym płanirujučym kryłatym błokam — prajšła dva paśpiachovyja vyprabavańni i budzie hatova dla ŭzbrajeńnia armii da 2020 hoda. Adznačajecca, što ciapier u ZŠA niama srodkaŭ, zdolnych pierachoplivać takija rakiety.
