Pravasłaŭnyja i katoliki siońnia, 27 traŭnia, adznačajuć Dzień Śviatoj Trojcy. Śviata pryśviečana prasłaŭleńniu Boha Ajca, Syna i Ducha Śviatoha.
Pavodle Jevanhiella, na piacidziasiaty dzień paśla Uvaskresieńnia Chrysta ŭsie apostały razam z Maci Božaj i inšymi vučniami Chrysta znachodzilisia ŭ adnoj śviatlicy ŭ Jerusalimie. U hety dzień Boh Ajciec pasłaŭ na ziamlu Śviatoha Ducha, jaki, źjaviŭšysia apostałam, zrabiŭ tak, što jany stali razumieć movy ŭsich narodaŭ i havaryć na roznych movach. Tamu słova Chrysta — Jevanhielle, jakoje prapaviedavali apostały, było zrazumiełaje ludziam, i heta abjadnoŭvała viernikaŭ.
Dzień Śviatoj Trojcy adznačajecca ŭ piacidziasiaty dzień paśla Vialikadnia. U pravasłaŭi Troica — adzin z najvialikšych dvanadziasiatych śviataŭ.
U Katalickaj carkvy Spasłańnie Śviatoha Ducha na apostałaŭ adznačali tydzień tamu, a ŭłasna Dzień Śviatoj Trojcy śviatkujuć siońnia (57-y dzień paśla Vialikadnia). U rymskim liturhičnym kalendary śviaty Spasłańnia Śviatoha Ducha i Dzień Śviatoj Trojcy majuć status «uračystaści».
U Dzień Śviatoj Trojcy azdablajuć chramy i damy kvietkami, travami, halinkami dreŭ i prynosiać u chram na aśviačeńnie bukiety z travy i kvietak.
