Sustreča ź miadźviedziem adbyłasia na darozie ŭ vialikim lasnym masivie kala vioski Žaleźniaki Viciebskaha rajona, paviedamili «Narodnyja Naviny Viciebska».
Fota miadźviedzia apublikavaŭ 24 maja «Ukantakcie» žychar Viciebska Kirył Ivanoŭ.
— Praz šok ja nie paśpieŭ spałochacca. Miadźviedź chviliny dźvie-try nie sychodziŭ, tamu ja paśpieŭ jaho sfatahrafavać. Źvier byŭ realna vielizarny, pa fatahrafii heta ciažka zrazumieć, — raspavioŭ Kirył.
Heta nie pieršaja sioleta sustreča ludziej ź miadźviedziem ŭ Viciebskim rajonie. 23 sakavika čatyrochhadovy samiec traŭmavaŭ žychara vioski Pukšyna. Tady miadźviedzia ŭdałosia adahnać ad nasielenaha punkta na adlehłaść siami-vaśmi kiłamietraŭ, paviedamlała Minpryrody.
Čytajcie: Pad Viciebskam miadźviedź pakusaŭ pjanaha viaskoŭca, kali toj palez da jaho abdymacca i całavacca
Pad Bierazino zaŭvažyli miadźviedzia, što bieh uzdoŭž darohi VIDEA
