Namieśnik staršyni KNR Van Cišań prybyŭ siońnia ź pieršym aficyjnym vizitam u Biełaruś. U Nacyjanalnym aeraporcie Minsk jaho sustrakaŭ Andrej Kabiakoŭ. Tut jany praviali pieramovy, pieradaje BiełTA.
Źviartajučysia da namieśnika staršyni KNR, premjer-ministr Biełarusi skazaŭ: «My rady vitać dobraha, pravieranaha siabra biełaruskaha naroda. Vaš vizit u Biełaruś (pieršy zamiežny aficyjny vizit Van Cišania ŭ novym statusie) vielmi cenim i ŭsprymajem, jak dadatkovy dobry znak namieraŭ kitajskaha kiraŭnictva na raźvićcio adnosin ź Biełaruśsiu. My imkniemsia da taho, kab biełaruska-kitajskija adnosiny nie tolki aktyŭna raźvivalisia, ale i pakazvali prykład dla inšych krain, jakimi jany mohuć być: pabudavanymi na dobrasusiedskaj, ŭzajemapavažlivaj i raŭnapraŭnaj asnovie «.
Van Cišań padziakavaŭ jamu za ciopły pryjom i skazaŭ, što «Staršynia KNR Si Czińpin nadaje vialikaje značeńnie adnosinam ź Biełaruśsiu».
Zatym Van Cišań nakiravaŭsia ŭ Kitajska-biełaruski industryjalny park «Vialiki kamień», dzie aznajomiŭsia z chodam realizacyi prajekta.
Van Cišań padzialiŭsia svaim bačańniem pierśpiektyŭ «Vialikaha kamienia». «Treba dumać i ŭzmacniać inviestycyi ŭ park. U Kitai šmat parkaŭ, u śviecie «Vialiki kamień» — adziny. Jon pavinien być paśpiachovym», — padkreśliŭ namieśnik staršyni KNR.
Aficyjny vizit namieśnika staršyni KNR pradoŭžycca pa 29 maja. Zapłanavany aficyjnyja pieramovy Andreja Kabiakova i Van Cišania ŭ pašyranym składzie. Praduhledžana naviedvańnie Van Cišaniem Biełaruskaha dziaržaŭnaha univiersiteta.
