Jeŭrakamisija płanuje zabaranić šerah adnarazovych praduktaŭ z płastyku i faktyčna štrafavać krainy — členy ES za płastykavaje śmiećcie, jakoje nie padlahaje pierapracoŭcy. Pra heta paviedamlaje Deutsche Welle sa spasyłkaj na vydańni niamieckaha medyjakancerna Funke Mediengruppe i pakiet zachadaŭ pa baraćbie z płastykavym śmiećciem, jaki kamisija ES maje namier pradstavić u Brusieli 28 maja.
Zabarona, jak miarkujecca, zakranie adnarazovyja vyraby z płastyku, alternatyva jakim lohka dastupnaja i prymalnaja pa canie, tłumačać ŚMI.
Havorka idzie, u pryvatnaści, pra adnarazovy posud, stałovyja prybory, trubački-sałominki dla napojaŭ, vatnyja pałački i płastykavyja trubački dla bałonikaŭ. Akramia taho, płanujecca abmiežavać vykarystańnie płastykavych upakovak dla ježy, jakuju pradajuć na vynas zakusačnyja.
Prapanavana taksama spahaniać z uładaŭ krain ES peŭnuju sumu za kožny kiłahram płastykavaha śmiećcia, nieprydatnaha da pierapracoŭki dla paŭtornaha vykarystańnia. Taki zbor moža skłaści 80 centaŭ za adzin kiłahram. Spahnany štraf pojdzie ŭ ahulny jeŭrapiejski biudžet. Takija zachady dapamohuć skaracić abjom płastykavych adchodaŭ.
