Akcior i muzykant Džoni Dep pryznaŭsia, što choča naviedać maŭzalej Lenina. Jon prybyŭ u Maskvu ŭ ramkach turne hrupy Hollywood Vampires, udzielnikam jakoj jon źjaŭlajecca.
«Tak šmat varyjantaŭ, što možna naviedać i ŭbačyć u Maskvie. Chaciełasia b naviedać maŭzalej Lenina, naviedać kramu ruskich muzyčnych instrumientaŭ. Ale ŭsio zaležyć ad volnaha času», — cytuje Lenta.ru.
Dep skazaŭ, što užo naviedaŭ kvateru Uładzimira Majakoŭskaha ŭ Maskvie. U papiarednija vizity ŭ jaho nie było dosyć volnaha času dla naviedvańnia słavutaściaŭ.
«Majakoŭski — adzin z maich lubimych paetaŭ. Nievierahodna było naviedać miesca, u jakim jon žyŭ razam sa svajoj siamjoj», — padzialiŭsia akcior.
«Hollywood Vampires užo ŭ Maskvie! Heta Džoni Dep padčas vizitu ŭ muziej Majakoŭskaha. Kancert supierhruppy zaŭtra», — raźmiaścili arhanizatary fota akciora ŭ sacyjalnaj sietcy Facebook.
Amierykanski kalektyŭ Hollywood Vampires byŭ zasnavany ŭ 2015 hodzie Džoni Depam, śpievakom Elisam Kupieram i ŭdzielnikam hrupy Aerosmith Džo Pery. U Rasiju kalektyŭ pryjechaŭ u ramkach suśvietnaha turne.
