Vytvorca biezałkaholnych napojaŭ Coca-Cola upieršyniu za 125 hadoŭ isnavańnia vypuściŭ ałkaholny napoj. Jon źjaviŭsia ŭ kramach Japonii ŭ paniadziełak.
Napoj vypuskajecca tolki z cytrynavym smakam, jaho krepaść varjirujecca ad 3% da 7%.
Paviedamlajecca, što zapusk nakiravany na maładych spažyŭcoŭ, asabliva na žančyn.
Pa tradycyi kampanii, recept napoju stroha zasakrečany, adnak viadoma, što jon natchniony papularnym u Japonii napojem Chu-Hi — haziroŭkaj z aramatyzatarami, u jakuju dadajecca miascovy ałkaholny napoj siociu. Chu-Hi taksama pradajecca ŭ bankach i ŭtrymlivaje ad 3% da 8% ałkaholu.
U Japonii Chu-Hi ličycca alternatyvaj pivu i karystajecca asablivaj papularnaściu siarod žančyn.