Ułady Łondana sumiesna sa šviedskaj kampanijaj iZettle zapuścili prahramu, jakaja dazvalaje vuličnym muzykam prymać achviaravańni z dapamohaj bieskantaktavych płaciažoŭ, piša BBC.
Muzyki zmohuć padklučyć da smartfonaŭ kampaktnyja terminały, naładžanyja na śpisańnie peŭnaj sumy z dapamohaj bieskantaktavych płaciažoŭ z bankaŭskich kart abo smartfonaŭ.
«Ciapier jašče bolš žycharoŭ Łondana zmohuć dapamahčy talenavitym vuličnym artystam. Kab zachavać status suśvietnaj stalicy muzyki, nam žyćciova nieabchodna padtrymlivać budučych zorak», — adznačyŭ mer Łondana Sadyk Chan.
Prafiesijnaja vuličnaja śpiavačka Šarłota Kepmbeł, jakaja prymaje ŭdzieł u testavańni novaj sistemy, adznačyła značny rost svajho zarobku. Minaki mahli achviaravać joj 2 funty, što składaje kala 2,7 dalara.
