Alaksandr Łukašenka pryniaŭ namieśnika staršyni Kitaja Van Cišania ŭ svajoj zaharadnaj rezidencyi. Sustreča prajšła ŭ farmacie pracoŭnaj viačery, paviedamlaje pres-słužba kiraŭnika dziaržavy.
Alaksandr Łukašenka adznačyŭ, što jość šerah pytańniaŭ, jakija bakam nieabchodna abmierkavać. U svaju čarhu namieśnik staršyni Kitaja padzialiŭsia ŭražańniami ad naviedvańnia Kitajska-biełaruskaha industryjalnaha parka «Vialiki kamień».
Łukašenka pačastavaŭ Van Cišania vadoj ź miascovaj krynicy. Paśla ahladu terytoryi rezidencyi Łukašenka i Van Cišań u čajnym domiku za kitajskim čajem ź biełaruskim vareńniem abmierkavali situacyju ŭ śviecie i mižnarodnyja adnosiny.