Pamior biełaruski litaraturaznaŭca, falkłaryst, historyk Arsień Lis.
«Pamior vydatny historyk, simvał humannaści i dabryni, cudoŭny čałaviek Arsień Lis. Z pačućciom hłybokaha žalu pišu hetu navinu. Maje spačuvańni rodnym. Alona, abdymaju ciabie ŭ hety momant smutku», — napisała ŭ svaim fejsbuku Nina Stužynskaja.
Jamu było 84 hady, apošnim časam mocna chvareŭ.
Arsień Siarhiejevič Lis naradziŭsia 4 lutaha 1934 hoda ŭ Viotchavie (siońnia Smarhonski rajon). Pracavaŭ u Instytucie mastactvaznaŭstva, etnahrafii i falkłoru Nacyjanalnaj akademii navuk Biełarusi. Daśledavaŭ tradycyjnuju kulturu biełarusaŭ, litaraturu, historyju i pieryjadyčny druk Zachodniaj Biełarusi, žyćcio i dziejnaść dziejačaŭ biełaruskaha nacyjanalna-vyzvalenčaha ruchu, historyju kultury. Aŭtar manahrafij «Branisłaŭ Taraškievič», «Mikoła Ščakacichin: charastvo niepaznanaj ziamli», «Piotra Sierhijevič», «Viečny vandroŭnik: narys pra mastaka Jazepa Drazdoviča», «Piakučaj małanki śled: eciudy da partreta mastaka Horyda».
U sieryi ŭ honar 100-hodździa «Našaj Nivy» my vydali zbor jaho tvoraŭ «Gloria victis!» (2010). Tom «Arsień Lis. Vybranaje» (2014) ŭ sieryi knih «Biełaruski knihazbor».
Arsień Lis dapamahaŭ «Našaj Nivie» ŭ časy hanieńniaŭ. Heta byŭ kryštalna sumlenny intelihient.
Čytajcie taksama: Arsień Lis. Školnaja para. Pačatki
Arsień Lis, miemuary. «Akademičny asiarodak»
