Fota Siarhieja Hudzilina
Siońnia adbyłasia telefonnaja razmova pamiž Alaksandram Łukašenkam i fiederalnym kancleram Aŭstryi Siebaśćianam Kurcam pa inicyjatyvie aŭstryjskaha boku. Pra heta BiełTA paviedamili ŭ pres-słužbie biełaruskaha lidara.
Fiederalny kancler prainfarmavaŭ kiraŭnika Biełarusi ab tych źmienach, jakija adbylisia na palityčnym poli Aŭstryi. U svaju čarhu Alaksandr Łukašenka asabista pavinšavaŭ Siebaśćiana Kurca z pryznačeńniem na pasadu fiederalnaha kanclera Aŭstryi.
Padčas telefonnaj razmovy baki ŭ cełym abmierkavali napracavanyja pamiž krainami kantakty ŭ roznych śfierach i syšlisia ŭ mierkavańni, što ich ni ŭ jakim razie nielha stracić. Siebaśćian Kurc zaprasiŭ Alaksandra Łukašenku naviedać Aŭstryju.
Pryniaŭšy zaprašeńnie, kiraŭnik Biełarusi ŭ svaju čarhu zaprasiŭ fiederalnaha kanclera pryjechać u Biełaruś u supravadžeńni dziełavych kołaŭ.
Asablivuju ŭvahu ŭ chodzie razmovy baki nadali abmierkavańniu mižnarodnaha forumu «Uschodniaja Jeŭropa: u pošukach biaśpieki dla ŭsich» ekśpiertnaj inicyjatyvy «Minski dyjałoh», što prajšoŭ 23—25 maja. Siebaśćian Kurc padkreśliŭ stanoŭčyja vyniki praviedzienaj kanfierencyi. Akramia taho, była abmierkavana zapłanavanaja da praviadzieńnia vosieńniu ŭ Biełarusi sustreča asnoŭnaj hrupy Miunchienskaj kanfierencyi pa biaśpiecy. Fiederalny kancler vykazaŭ hatoŭnaść padtrymać i akazać dapamohu pa ŭsich kirunkach u praviadzieńni dadzienaha mierapryjemstva.
