U kaledžy «zaniepakojenyja budučyniaj» navučenca
Na hutarku vyklikali i jahonych baćkoŭ, jakim dyrektarka Alena Kraviec i jaje namieśnica Valancina Šunajeva vykazali «zaniepakojenaść budučyniaj» navučenca, źviazaŭšy heta ź siabroŭstvam u apazycyjnaj arhanizacyi.
Baćki Alaksandra hutarku z kiraŭnictvam navučalnaj ustanovy ŭsprymajuć surjozna. Kali źjavicca žadańnie, kažuć jany, adličyć syna z kaledžu, to pryčynu znojduć. Heta, pavodle ich, dała zrazumieć dyrektarka navučalnaj ustanovy.
«Jana skazała, što vyklučać Alaksandra praź jahonaje siabroŭstva ŭ apazycyjnaj arhanizacyi nichto nia maje prava, ale kali buduć prablemy z navučańniem, to heta ŭžo padstava dla adličeńnia», — pierakazaŭ słovy kiraŭnicy kaledžu baćka navučenca Ŭładzimier.
Pradstaŭnica administracyi: «Była hutarka z baćkami pra zachapleńni i pohlady navučenca. Pra adličeńnie nie havaryli»
Alaksandar — siarod najlepšych navučencaŭ u kaledžy. Jon aktyŭna ŭdzielničaje ŭ hramadzkim žyćci navučalnaj ustanovy. Skančaje treci kurs. Vyvučaje infarmatyku.
Namieśnica dyrektara pa vychavaŭčaj pracy Valancina Šunajeva pytańniu ab pahrozie adličeńnia Alaksandra Maskalova z kaledžu ździviłasia.
«Adkul źjaviłasia takaja tema dla abmierkavańnia, dy jašče pra adličeńnie navučenca, jaki vučycca cudoŭna? — skazała jana. — Była tolki hutarka z baćkami pra toje, čym jon zachaplajecca i jakija ŭ jaho pohlady. Ja navat heta nie chaču kamentavać».
Kastusiovu paabiacali razabracca ŭ sytuacyi
Kab praduchilić adličeńnie Alaksandra, z dyrektarkaj navučalnaj ustanovy Alenaj Kraviec 29 traŭnia sustreŭsia staršynia partyi BNF Ryhor Kastusioŭ. Pa słovach partyjca, kiraŭnica kaledžu zapeŭniła jaho, što raźbiarecca ŭ sytuacyi i na nastupnaj sustrečy painfarmuje jaho pra vyniki.
«Ja davioŭ spadaryni Kraviec, što sytuacyja z Alaksandram padryvaje aŭtarytet Biełarusi ŭ Balonskim pracesie», — skazaŭ Svabodzie Ryhor Kastusioŭ, jak tolki vyjšaŭ z kaledžu.
Alaksandar Maskaloŭ nie źbirajecca sychodzić z Moładzi BNF. Kaža, što Kanstytucyja daje jamu prava samomu vyrašać, da jakoj arhanizacyi dałučacca. Dziejnaść Moładzi BNF, kaža jon, nie parušaje biełaruskaha zakanadaŭstva.
