U Kijevie ŭviečary 29 maja va ŭłasnaj kvatery zastrelili rasijskaha žurnalista Arkadzia Babčanku.
Jaho žonka była ŭ vannym pakoi. Jana pačuła streły, vyjšła, ubačyła muža ŭ kryvi i vyklikała chutkuju.
Kijeŭskaja palicyja paviedamlaje, što Babčanka pamior u karecie chutkaj dapamohi.
Kijeŭskaje ŭpraŭleńnie palicyi skłała fotarobat padazravanaha ŭ zabojstvie.
Rasijski vajenny karespandent Arkadź Babčanka, viadomy svaimi krytyčnymi materyjałami na adras Uładzimira Pucina i palityki pucinskaha režymu, a taksama padtrymkaj Ukrainy paśla Majdana, pakinuŭ Rasiju paśla šmatlikich pahroz u jaho adras i adras jaho siamji. U apošni čas žyŭ u Kijevie.
Žurnalistykaj zaniaŭsia ŭ 2000 hodzie, paśla zvalnieńnia ŭ zapas z rasijskaj armii, u šerahach jakoj prymaŭ udzieł u pieršaj i druhoj čačenskaj vojnach. Byŭ karespandentam «Novaj haziety», paźniej — vajennym karespandentam padčas vajny ŭ Paŭdniovaj Asiecii ŭ 2008 hodzie.
Čytajcie taksama:
Žurnalist Babčanka žyvy. Ukrainskija śpiecsłužby insceniravali «zabojstva» VIDEA
