Chramy z najbahaciejšaj historyjaj, nadniomanskaja architektura i krajavidy, adpačynak na adnym z najpryhažejšych vadajomaŭ Biełarusi — usio heta ŭ ekskursii, u jakuju zaprašaje fond «Kraina zamkaŭ».
Najpierš jaje ŭdzielniki ahledziać sapraŭdny šedeŭr biełaruskaj siaredniaviečnaj architektury: Synkovickuju carkvu-krepaść Archanhieła Michaiła.
Da heta dnia historyki spračajucca pra toje, chto ŭsio ž taki pabudavaŭ hety surovy chram: vialiki kniaź litoŭski Vitaŭt ci nieviadomy fundatar u pačatku XVI stahodździa.
Siońnia padajecca fantastykaj, ale dźvieście hod tamu słava pra Hańnienski kirmaš u Zelvie hrymieła na ŭsiu Jeŭropu.
My naviedajem heta daŭniaje ŭładańnie Sapiehaŭ, pabačym Trajecki kaścioł, viežy-špili jakoha prabivajucca skroź ščylnuju zabudovu. A ź miascovych hor adkryvajecca čaroŭnaja panarama Zelvienskaha vadaschovišča.
Za paru kiłamietraŭ ad Zelvy, u Kramianicy, zachavaŭsia chramavy kompleks XVII stahodździa, kaścioł Śviatoha Juryja 1617—20 hadoŭ.
U chramie znachodzicca ŭnikalnaje reniesansnaje nadmahille rodu Volskich: nie tolki ŭ Biełarusi, va ŭsioj byłoj Rečy Paspalitaj anałahaŭ — adzinki.
Dalej maršrut ekskursii pojdzie na Masty. Na šlachu my praz kožnyja niekalki kiłamietraŭ budziem sustrakać najcikaviejšyja pomniki kultury. Heta i siadziba Suchadolskich u Vialikaj Rahoźnicy, i pravasłaŭnaja carkva ŭ Pacavičach, i mahiła paŭstancaŭ 1863-ha.
Niepadrobnaje zachapleńnie vyklikaje katalicki chram u Strubnicy.
Trajecki kaścioł — pomnik draŭlanaj architektury XVIII stahodździa. Jon staić u adasoblenym, pustelnym miescy. Akružany šlachieckimi pachavańniami, sarkafahami z hierbami, chram niby pravakuje na nastalhiju pa časach pieknych pannaŭ i šlachotnych kavaleraŭ.
Dalej — Pieski z kaściołam Maci Božaj Ružancovaj, adnym z samych cikavych pomnikaŭ nieahotyki na našych ziemlach…
U finale — sustreča ź sivym Niomanam. Na bierazie vieličnaj raki, u Levych Mastach, zachavaŭsia malaŭničy siadzibny dom pačatku XX stahodździa. Tut budzie ŭnikalnaja mahčymaść pašpacyravać pa samym doŭhim u krainie piešachodnym padviesnym moście nad rakoj.
Zavieršyć padarožža adpačynak na plažy Zelvienskaha vadaschovišča.
Daviedacca padrabiaznaści i zapisacca ŭ vandroŭku ŭ kraj, aviejany sivymi lehiendami, možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
