Kali nadakučyła niedasiažnaja ekzotyka čempijanatu śvietu, to my vam padkažam, dzie ŭ najbližejšyja dni možna pahladzieć futboł nie pa televizary, a na trybunie stadyjona. Łamaj scenar, sačy za čempijanatam Biełarusi! Tak, jak heta robim my razam z Bukmiekierskaj kantoraj Marafon!
Kali BATE karotkaj epochi Aleha Dułuba zabivaŭ u siarednim 1,5 miača za hulniu, to z prychodam Alaksieja Bahi barysaŭskaja pružyna niby raspuściłasia — pa 3 hały ŭ dźviuch hulniach.
U apošniaj byŭ pieramožany hrodzienski «Nioman». Hrodziency zdoleli adhulacca ź liku 0:2, ale ničyju nie ŭtrymali. Paralelna minskaje «Dynama» padzialiła ački z «Viciebskam», takim čynam adstaŭšy ad BATE jašče na dva bały.
Pa vynikach tura jašče adzin kłub zvolniŭ hałoŭnaha treniera. Minskaje «Tarpieda» doma sastupiła «Słucku», a miesca Siarhieja Kabielskaha zaniaŭ Leanid Łahun. Ci dapamoža heta «aŭtazavodcam» padniacca sa dna tablicy, pakaža čas.
A ciapier da padziej nastupnaha tura!
«Dniapro» — «Tarpieda-Minsk»
- 22.06 / 19:00. Mahiloŭ, stadyjon «Spartak»
- Kaeficyjenty: «Dniapro» (pieramoha) — 1.70, ničyja — 3.30 «Tarpieda» (pieramoha) — 5.80
Niejmavierny šaniec dla abiedźviuch kamand urešcie spynić prykruju sieryju. I «Dniapro», i «Tarpieda» nie pieramahali ad pačatku krasavika, a z taho času prajšło ŭžo 10 turaŭ!
Jak my pisali vyšej, minčukoŭ da hulni rychtuje novy trenier. U Mahilovie ž na kardynalnyja źmieny nie advažylisia i adstaŭku Viačasłava Leŭčuka nie pryniali.
Ci źmienić niešta novaja miatła ŭ «Tarpieda», pabačym užo ŭ piatnicu.
Prahnoz «NN»: pieramoha «Dniapra».
«Smalavičy» — «Nioman»
- 23.06 / 16:45. A/h Kastryčnicki, FAK
- Kaeficyjenty: «Smalavičy» (pieramoha) — 3.84, ničyja — 3.30, «Nioman» (pieramoha) — 2.00
«Smalavičy» ŭ minułym tury davoli ŭpeŭniena pieramahli ŭ Homieli. Pieršy hoł atrymaŭsia šedeŭram. Nie horš, čym zabivajuć na čempijanacie śvietu!
Hałoŭny trenier «Smalavič» Alaksandr Brazievič u paślamatčavym kamientary adznačyŭ, što kamandzie było ciažka hulać praz… naturalny hazon. Maŭlaŭ, kamanda pryvykła da sintetyki i na travie vyhladała nie samym lepšym čynam. Takija voś realii biełaruskaha futbołu.
Na mundyjali niekatoryja bukmiekiery prymajuć staŭki na toje, ci pakaža chto-niebudź z futbalistaŭ vyjavu Pucina na cišotcy. U Biełarusi ž možna było b rabić staŭki na toje, ci nadzienie ŭ nastupnym tury Ihar Kavalevič poła z «Pahoniaj», bo takoj uvahi da siabie śpiecyjalist jaŭna nie čakaŭ.
Prahnoz «NN»: pieramoha «Niomana».
«Minsk» — «Homiel»
- 23.06 / 18:45. Stadyjon FK «Minsk»
- Kaeficyjenty: «Minsk» (pieramoha) — 2.23, ničyja — 2.82, «Homiel» (pieramoha) — 3.84
U minułym tury «Minsk» atrymaŭ valavuju pieramohu ŭ Haradziei, što dazvoliła «haradžanam» pakinuć kampaniju autsajdaraŭ.
Alaksandr Vasiljeŭ zabiŭ dva miačy ŭ bramu «Haradziei». Fota FK «Haradzieja».
«Homiel» pakul zastajecca ŭ hetaj niezajzdrosnaj kampanii. Vidać, u kłubie čakajuć mižkruhavoj paŭzy, kab abnavić skład kamandy i vypravić stanovišča.
Prahnoz «NN»: totał mienšy za 2,5.
«Słuck» — «Dynama-Minsk»
- 24.06 / 16:45. Słuck, stadyjon «Haradski»
- Kaeficyjenty: «Słuck» (pieramoha) — 4.45, ničyja — 3.35, «Dynama-Minsk» (pieramoha) — 1.85
«Słuck» znoŭ nabraŭ chod. Dźvie pieramohi ŭ apošnich turach z ahulnym likam 6:0, Šykaŭka ŭ topie — usio kruta!
Ale tut dylema: u minskaha «Dynama» słuččaki jašče ŭ vyšejšaj lizie nie vyjhravali. Minčanie jaŭna buduć nie ŭ humory — dźvie ničyi ŭ apošnich turach dazvolili ŭščylnuju padabracca kankurentam.
Jašče adna asiečka — i «Dynama» skinuć z druhoha radka. Tamu dla Siarhieja Hurenki i padnačalenych matč musić stać zvyšpryncypovym.
Prahnoz «NN»: pieramoha «Dynama».
BATE — «Šachcior»
- 24.06 / 18:45. Barysaŭ-Arena
- Kaeficyjenty: BATE (pieramoha) — 1.65, ničyja — 3.50, «Šachcior» (pieramoha) — 5.80
Dumajem, budzie niedarečna tłumačyć, čamu heta matč tura. I čamu jon moža paspaborničać za hledača z paralelnaj dziejaj pad nazvaj Japonija — Sieniehał.
Siarhiej Tašujeŭ vypraviŭ pamyłki Mareka Zuba, i ciapier «Šachcior» dzielić treci radok tablicy ŭsiaho za adzin bał ad druhoha miesca.
Fota FK «Šachcior».
Niadzielny matč musić stać pieršym surjoznym ispytam dla treniera-pačatkoŭca Alaksieja Bahi. I jak jon jaho vytrymaje — taksama adna ź intryh chutkaj hulni.
Prahnoz «NN»: BATE nie sastupić.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
«Pramień» — «Tarpieda-BiełAZ»
- 24.06 / 20:45. Minsk, SAK «Alimpijski»
- Kaeficyjenty: «Pramień» (pieramoha) — 4.15, ničyja — 3.22, «Tarpieda-BiełAZ» (pieramoha) — 1.95
Žodzinskaje «Tarpieda» pravodzić vielmi niestabilny siezon, čarhujučy pieramohi nad sieradniakami tablicy z parazami ad pramych kankurentaŭ.
U baraćbie za najvyšejšyja miescy niedarečnyja straty bałaŭ mohuć adhuknucca ŭ budučyni, bo žodzincy jašče nie sustrakalisia ni ź minskim «Dynama», ni z BATE.
U «Pramienia» prablemy krychu inšaha sortu. Kamanda Ivana Bijončyka nie moža pieramahčy ŭžo šeść turaŭ zapar i paśla razhromu ad «Šachciora» maje najhoršuju kolkaść prapuščanych miačoŭ.
Prahnoz «NN»: pieramoha «Tarpieda».
«Viciebsk» — «Isłač»
- 25.06 / 19:00. CSK «Viciebski»
- Kaeficyjenty: «Viciebsk» (pieramoha) — 1.63, ničyja — 3.55, «Isłač» (pieramoha) — 5.90
Ci čakali vy, što pa vynikach amal pałovy čempijanatu Biełarusi ŭ lidarach akažacca «Viciebsk»? Kamanda Siarhieja Jasinskaha demanstruje jaskravy atakujučy futboł i stała sapraŭdnym adkryćciom biahučaha rozyhryšu vyšejšaj lihi.
«Isłač» hulaje stabilna, ale atakujučy futboł — heta dakładna nie pra kamandu Vitala Žukoŭskaha.
Prahnoz «NN»: totał mienšy za 2,5.
«Dynama-Brest» — «Haradzieja»
- 25.06 / 20:45. DASK «Brescki»
- Kaeficyjenty: «Dynama-Brest» (pieramoha) — 1.28, ničyja — 4.90, «Haradzieja» (pieramoha) — 12.75
U minułym tury «Haradzieja» prajhrała doma «Minsku». Haradziejskaja publika ŭ kancy hulni skandziravała «Sychodź!» na adras Siarhieja Jaromki. Ale kiraŭnictva «cukrovych» pakul na kardynalnyja źmieny nie advažvajecca.
«Dynama-Brest» śviatkuje hoł u bramu «Isłačy». Fota A. Kamialkova.
«Dynama» pieramohaj nad «Isłačču» narešcie pierarvała sieryju z čatyroch ničyich zapar. I nastupny supiernik na papiery — vielmi kamfortny dla taho, kab raspačać novuju sieryju, ciapier užo ź pieramoh.
Nie maje značeńnia, jak vy budziecie hladzieć futboł: pierad ekranam televizara, smartfona ci na trybunach, staŭka ŭ Bukmiekierskaj kantory Marafon zrobić prahlad futboła jašče cikaviejšym!
