Čytačy paviedamili Tut.by, što ŭ Batumi padčas adpačynku zahinuła maładaja biełaruska. U pasolstvie Biełarusi ŭ Hruzii hetuju infarmacyju paćvierdzili: mašyna, u jakoj jechała turystka, trapiła ŭ avaryju.
Fota: Reuters.
Pavodle danych pasolstva Biełarusi ŭ Hruzii, na adpačynak dziaŭčyna prylacieła 19 červienia. Jana i jašče dźvie biełaruski, adna ź jakich svajačka zahinułaj, adpačyvali ŭ Batumi. Trahiedyja zdaryłasia ŭ piatnicu ranicaj. Napiaredadni dziaŭčyny pajechali pa hornaj Adžaryi, pa darozie nazad jany patrapili ŭ avaryju.
— Heta nie było sutyknieńnie, mašyna źlacieła ŭ kiuviet, — raspaviadaje Aleh Harochavik, savietnik pa konsulskich pytańniach pasolstva Biełarusi ŭ Hruzii. — Za rulom byŭ hramadzianin Hruzii. Adna dziaŭčyna zahinuła. Jašče dźviuch ź lohkimi traŭmami źmiaścili ŭ balnicu. Zaraz pahrozy ich zdaroŭju niama, i jany znachodziacca ŭ haścinicy, čakajuć, kali buduć aformleny adpaviednyja dakumienty, kab vyvieźci cieła zahinułaj na radzimu.
Baćki dziaŭčyny viedajuć pra trahiedyju. Kali cieła dziaŭčyny dastaviać u Biełaruś, pakul nie viadoma. U turystki nie było strachoŭki, tamu paŭstała hrašovaje pytańnie.
— Ciapier svajaki pavinny sabrać kala 2000 dalaraŭ, kab apłacić usie nieabchodnyja pracedury, — praciahvaje Aleh Harochavik. — My trymajem situacyju pad kantrolem. U najbližejšy čas situacyja pavinna vyrašycca, i cieła pavinny dastavić ŭ Biełaruś.
