Palicyja rasśleduje incydent ź imaviernym atručvańniem dvuch čałaviek u horadzie Ejmśbiery kala Sołśbiery, havorycca ŭ paviedamleńni palicyi hrafstva Uiłtšyr. Abodva paciarpiełyja znachodziacca ŭ špitali ŭ Sołśbiery ŭ krytyčnym stanie.
Paciarpiełyja, mužčyna i žančyna va ŭzroście kala 40 hadoŭ byli znojdzieny viečaram u subotu, ŭ horadzie Ejmśbiery. Jany znachodzilisia biez prytomnaści. «U ciapierašni čas jany aboje znachodziacca na lačeńni ŭ rajonnaj balnicy Sołśbiery z padazreńniem na atručvańnie nieviadomym rečyvam. Jany znachodziacca ŭ krytyčnym stanie», — havorycca ŭ paviedamleńni palicyi.
Pieršapačatkovaj viersijaj palicyjaj było atručvańnie narkotykami. U pravaachoŭnych orhanach vykazali zdahadku, što paciarpiełyja mahli pryniać dozu kakainu abo hierainu. Adnak ciapier miedyki pravodziać ekśpiertyzy, nakiravanyja na toje, što mienavita stała pryčynaj. «My zastajemsia adkryty da vyvučeńnia ŭsich mahčymych pryčyn incydentu», — padkreślili ŭ palicyi.
U suviazi z tym, što adbyłosia palicyja ačapiła šerah miescaŭ u Ejmśbiery i Sołśbiery, jakija, jak miarkujecca, naviedvalisia paciarpiełymi. U paviedamleńni palicyi miascovych žycharoŭ papiaredžvajuć ab mahčymaj pavyšanaj prysutnaści palicejskich na vulicach. Palicyja pravodzić rasśledavańnie.
