Maricopa County Sheriff Office

Maricopa County Sheriff Office

U ZŠA 92-hadovaja žančyna zastreliła ŭłasnaha syna, kab toj nie adpraviŭ jaje ŭ dom sastarełych, paviedamlaje palicyja.

Anie Mej Blesinh pradjaŭlena abvinavačańnie ŭ naŭmysnym zabojstvie. Jana niekalki dzion abdumvała rašeńnie svajho syna adpravić jaje na apieku.

«Ty zabraŭ majo žyćcio, tamu ja zabiraju tvajo», — jak paviedamlajecca, skazała jana, kali palicyja vyvodziła jaje z doma ŭ Aryzonie, u jakim jana pražyvała sa svaim synam i jaho siabroŭkaj.

Blesinh paviedamiła palicyi, što paśla zabojstva mieła namier skončyć žyćcio samahubstvam.

Zabojstva adbyłosia ranicaj 2 lipienia ŭ horadzie Fauncin-Chiłs.

72-hadovy syn Blesinh, imia jakoha nie nazyvajecca, chacieŭ, kab jaho maci pierajechała ŭ dom sastarełych, bo ź joj stała ciažka žyć razam.

Jak udakładniajecca ŭ zajavie miascovaj palicyi, Blesinh schavała pistalet i revalvier u kišeniach svajho chałata, paśla čaho zajšła ŭ jaho spalniu.

U chodzie svarki jana vyciahnuła adzin z revalvieraŭ, nabyty jašče ŭ 1970-ch hadach, i streliła ŭ syna.

Streliŭšy ŭ syna, Blesinh naviała revalvier i na jaho 57-hadovuju siabroŭku, jakoj udałosia vychapić zbroju i adkinuć jaje ŭ kut pakoja.

Tady Blesinh dastała inšy pistalet, jaki, jak jana paviedamiła palicyi, joj padaryŭ muž — taksama jašče ŭ 1970-ch hadach.

Siabroŭka vybiła i hetu zbroju ź jaje ruk, paśla čaho źbiehła i patelefanavała ŭ palicyju.

Žančynie pradjaŭlenaje abvinavačvańnie ŭ zabojstvie pieršaj stupieni, napadzie pry abciažvajučych abstavinach i niezakonnym pazbaŭleńni voli. Zakład ustanoŭleny pamieram 500 tysiač dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?