BSB Bank paśla pravierki Kamiteta dziaržkantrolu zapłaciŭ u biudžet 5,2 młn rub. Heta vynikaje sa spravazdačnaści banka pa MSFS za 2017 hod, jakaja była niadaŭna apublikavanaja.
«U 2017 hodzie pa vynikach pravierki Kamiteta dziaržaŭnaha kantrolu bankam vypłačanaja pienia za niesvoječasovuju vypłatu padatku ŭ pamiery 5,279 młn rub za košt prybytku hetaha hoda», havorycca ŭ dakumiencie.
Havorka idzie ab padatkach u pamiery 3,6 miljona rubloŭ za 2011-2012 hady.
Jak užo paviedamlałasia, pa vynikach 2017 hoda BSB Bank źniziŭ čysty prybytak u 1,7 razu — da 7 młn rubloŭ.
Kantralory KDK naviedalisia ŭ BSB Bank kala hoda tamu.
26 červienia 2017 hoda Nacbank adklikaŭ u BSB Banka licenziju na pracu ź fizičnymi asobami. U vyniku nasielnictva źniało z rachunkaŭ kala 55 młn rubloŭ.
U pačatku žniŭnia staršynioj praŭleńnia BSB Banka byŭ pryznačany Siarhiej Dubkoŭ, u naziralnuju radu banka ŭvajšła Nadzieja Jermakova, jakaja stała staršynioj Kamiteta pa ryzykach. Jermakova i Dubkoŭ paśla sychodu z kirujučych pasad u Nacbanku pracavali ŭ kamiercyjnych bankach.
18 žniŭnia rehulatar adnaviŭ licenzijnyja paŭnamoctvy BSB Banka. Pry hetym banku było nieabchodna zabiaśpiečyć efiektyŭnaje funkcyjanavańnie sistem unutranaha kantrolu (u častcy vyjaŭleńnia i spynieńnia padazronych finansavych apieracyj) i karparatyŭnaha kiravańnia (u pryvatnaści, vyklučeńnie ŭmoŭ uźniknieńnia kanfliktu intaresaŭ).
