Były forvard zbornaj Šviecyi Złatan Ibrahimavič i eks-paŭabaronca zbornaj Anhlii Devid Bekchem zaklučyli pary na matč zbornych u 1/4 finału čempijanatu śvietu — 2018.
«Cheło, Devid Bekchem. Kali Anhlija pieramoža Šviecyju, to viačera za moj rachunak u lubym miescy śvietu. A kali ŭ hetym matčy vyjhraje Šviecyja, to ty kupiš mnie ŭsio, što ja zachaču, u kramie «Ikiea», ok?» — źviarnuŭsia Ibrahimavič u instahramie da Bekchema.
«Kali Šviecyja vyjhraje, ja asabista adviadu ciabie ŭ «Ikiea» i kuplu ŭsio, čaho ty zachočaš dla svajho novaha doma ŭ Łos-Andžełasie. Ale paśla pieramohi Anhlii nad Šviecyjaj chaču, kab ty pryjšoŭ na matč anhlijskaj zbornaj na stadyjonie «Uembli» u jaje futbołcy i pajeŭ fiš-end-čyps u pierapynku», - adkazaŭ Bekchem.
Ibrahimavič zrabiŭ skrynšot pierapiski z Bekchemam i apublikavaŭ jaho ŭ «Instahramie» sa słovami: «Damovilisia!»
Matč 1/4 finału Šviecyja — Anhlija pačniecca siońnia a 17-j. Pieramožca zhulaje ŭ paŭfinale ź pieramožcam pary Rasija — Charvatyja. Hety pajadynak pačniecca a 21-j.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
