U Vašynhtonie zatrymali hramadzianku Rasii Maryju Bucinu pa padazreńni ŭ sprobie paŭpłyvać na palityku ZŠA pa ŭkazańni vysokapastaŭlenaha čynoŭnika z Kramla, zajavili ŭ Ministerstvie justycyi ZŠA.
U Miniuście zajavili, što Bucina pracavała na vysokapastaŭlenaha čynoŭnika va ŭradzie Rasii, suprać jakoha ŭ krasaviku 2018 hodu byli ŭviedzienyja sankcyi.
U sudovych dakumientach havorycca, što rasijanka ŭ jakaści ahienta, jaki dziejničaje ŭ intaresach Rasii, raźvivała adnosiny z amierykancami i atrymlivała dostup da arhanizacyj, jakija majuć upłyŭ u amierykanskaj palitycy, z metaj prasoŭvańnia intaresaŭ Rasii.
U zajavie śćviardžajecca, što jana dziejničała ŭ jakaści ahienta rasijskaha ŭrada biez aficyjnaj rehistracyi, jak taho patrabuje amierykanskaje zakanadaŭstva. Za niezarehistravanuju dziejnaść rasijancy pahražaje da piaci hadoŭ pazbaŭleńnia voli.
