Minuły tur akazaŭsia samym vynikovym za ŭvieś čempijanat. Kamandy ŭ siami matčach zabili 25 miačoŭ (bolš za 3,5 u siarednim), čym krychu papsavali našyja prahnozy.

Praź pieranos matča minskaha «Dynama» druhi radok zdoleŭ zaniać «Viciebsk», jaki na horki jabłyk pabiŭ «Nioman» ź likam 5:1. My pieražyvali, ci zmoža paŭnočnaja kamanda apravicca paśla sychodu Ladesmy, ale, zdajecca, što prablem nijakich niama.

Znoŭ u centry ŭvahi bresckaje «Dynama». Jak viadoma, u paniadziełak na vačach Maradony «bieła-błakitnyja» prajhrali «Šachcioru», a ŭ čaćvier pryjšła jašče adna cikavaja navina — Brest pakidajuć kapitan Haŭryłovič i dva lidary: Mileŭski i Savicki. Viedajučy pra minułaje ŭkraina-biełarusa i viečna pierśpiektyŭnaha Savickaha, možna ź vialikaj dolaj imaviernaści adhadać pryčyny kardynalnych kadravych rašeńniaŭ. Ale pra pryčyny kłub dypłamatyčna nie raskazvaje.

Dyjeha Maradona abdymajecca z Arciomam Mileŭskim. Fota FK «Dynama-Brest».

Dyjeha Maradona abdymajecca z Arciomam Mileŭskim. Fota FK «Dynama-Brest».

Taksama varta adznačyć, što ŭ kłubaŭ źjaviłasia mahčymaść dazajavić novych hulcoŭ, što, biezumoŭna, dadaść intryh u budučyja hulni.

A ciapier da padziej nastupnaha tura.

«Nioman» — «Słuck»

Historyja supraćstajańnia kamand sa Słucka i Hrodna naličvaje 11 matčaŭ. Abiedźvie pieramohi słuččakoŭ u ich byli dabytyja na poli hrodzienskaha CSK «Nioman». Apošniaja adbyłasia 3 hady tamu, bolš «Słuck» u hrodziencaŭ nie pieramahaŭ.

U apošnim tury kamandy sinchronna sastupili, a «Nioman» dyk jašče i razhromna. Matyvacyja ŭ chłopcaŭ Kavaleviča musić być što treba. Ale tak prosta «Słuck» pieramohu nie addaść.

Prahnoz «NN»: «Nioman» nie sastupić.

BATE — «Minsk»

U papiarednim tury BATE mieŭ peŭnyja ciažkaści ŭ hulni sa «Smalavičami». Na pierapynak kamandy sychodzili ź likam 2:2, ale ŭ treci raz zraŭniać lik anderdohi tak i nie zdoleli.

«Smalavičy» zabili dva miačy BATE, ale pieramahčy tak i nie zmahli. Fota FK «Smalavičy».

«Smalavičy» zabili dva miačy BATE, ale pieramahčy tak i nie zmahli. Fota FK «Smalavičy».

«Minsk» ža zdabyŭ valavuju pieramohu na «Pramieniem» i padniaŭsia na dziasiaty radok. Ale rassłablacca času niama, bo ščylnaść u nižejšaj častcy tablicy i tak vysokaja, a pry imaviernaj parazie ad BATE moža stać i jašče horš.

Prahnoz «NN»: pieramoha BATE.

«Pramień» — «Dynama-Brest»

Bieraściejcy paśla chatniaha fijaska i biez troch lidaraŭ jeduć u hości da apošniaj kamandy čempijanatu. Adsutnaść Haŭryłoviča, Savickaha i Mileŭskaha nie pavinna asabliva adbicca na hulni kamandy, tym bolš u składzie bieraściejcaŭ chapaje kvalifikavanych hulcoŭ, ale cikava, jak budzie vyhladać novaje «Dynama». 

Prahnoz «NN»: pieramoha «Dynama».

«Homiel» — «Dniapro»

«Dniapro» ŭsio hłybiej i hłybiej zaciahvaje na dno. Apošniuju pieramohu mahiloŭcy zdabyli na pačatku krasavika jakraz u hulni z «Homielem», paśla čaho ich hulnia nahadvaje strašny son.

U «Homiela» spravy nie našmat lepšyja, ale pieramoha ŭ Słucku dazvoliła pierad vočnym dvubojem być vyšejšymi za «Dniapro».

Prahnoz «NN»: totał mienšy za 2,5.

«Haradzieja» — «Tarpieda-Minsk»

Druhi kruh «cukrovyja» pačali z doŭhačakanaj pieramohi nad harotnikami z Mahilova, a «Tarpieda» dziakujučy hołu Paŭła Klańnio vyrvała ničyju z «Isłačču». Ale naprykancy toj hulni sudździa pamyłkova admianiŭ hoł u bramu «aŭtazavodcaŭ».

Hulcy minskaha «Tarpieda» radujucca vyratavanaj ničyjoj u hulni z «Isłačču». Fota FK «Tarpieda-Minsk».

Hulcy minskaha «Tarpieda» radujucca vyratavanaj ničyjoj u hulni z «Isłačču». Fota FK «Tarpieda-Minsk».

Andrej Varankoŭ, što niekali zabivaŭ De Chiea i supraćstajaŭ francuzam u sakołcy nacyjanalnaj zbornaj, akazaŭsia niepatrebnym «Haradziei» i pakinuŭ kamandu. Zatoje suprać «Tarpieda» zmohuć debiutavać ažno troje navičkoŭ.

Prahnoz «NN»: pieramoha «Haradziei».

«Isłač» — «Dynama-Minsk»

Minuły tur minčanie prapuskali, bo skarystalisia pravam ab pieranosie svajho matča praz udzieł u jeŭrakubkach. A ŭ hetym tury nie zhulajuć «Šachcior» i «Viciebsk», tamu ŭ chłopcaŭ Siarhieja Hurenki jość niebłahi šaniec viarnucca na druhi radok.

Amałažeńnie pakul nie dało plonu «Isłačy», ale ž heta tolki pačatak. Mo prablema vyznačycca jašče ŭ čymści inšym, tamu my budziem pilna sačyć za trenierskimi rašeńniami ŭ kamandzie ź Minskaha rajona.

Prahnoz «NN»: pieramoha «Dynama».

«Smalavičy» — «Tarpieda-BiełAZ»

«Smalavičy» praciahvajuć turne pa Minskaj vobłaści. Na hety raz u jakaści chatniaj areny budzie zadziejničany «Haradski» stadyjon u Barysavie, dzie BATE niekali zdabyvała pieršyja pieramohi ŭ čempijanacie i jeŭrakubkach.

Ci dapamoža heta kamandzie Alaksandra Brazieviča — pytańniečka.

Žodzincy znachodziacca ŭ pošukach forvarda i padpisali rasijanina Alaksandra Sałuhina, jaki ŭ 16 hadoŭ stanaviŭsia ŭładalnikam Kubka UEFA i ličyŭsia vielmi pierśpiektyŭnym. Ci dapamoža dośvied u rasijskich kamandach siaredniaj ruki, pahladzim užo ŭ nastupny paniadziełak.

Prahnoz «NN»: pieramoha «Tarpieda».

Čempijanat śvietu skončyŭsia, a rodnaja vyšejšaja liha zastajecca z taboj! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?