FSB rasśleduje spravu ab dziaržzdradzie ŭ suviazi z uciečkaj dadzienych ab rasijskich raspracoŭkach hipierhukavaj zbroi.

Pa dadzienych «Kommiersanta», u ramkach spravy ranicaj u piatnicu, 20 lipienia, pačalisia pieratrusy ŭ Centralnym navukova-daśledčym instytucie mašynabudavańnia (CNDIMaš) u padmaskoŭnym Karalovie, a taksama ŭ ofisie dyrektara daśledča-analityčnaha centra Abjadnanaj rakietna-kaśmičnaj karparacyi Dźmitryja Pajsana ŭ Maskvie.

Jak paviedamiła krynica vydańnia, śledstva ličyć, što ŭciečka adbyłasia ad supracoŭnikaŭ CNDIMaša, «ź jakimi Dźmitryj Pajsan padtrymlivaŭ ciesny kantakt».

CNDIMaš i ARKK uvachodziać u skład «Raskosmasu». Hipierhukavyja prajektami zajmajecca karparacyja «Taktyčnaje rakietnaje ŭzbrajeńnie», jakaja nie ŭvachodzić u «Raskosmas», paviedamili krynicy vydańnia, ale ŭzrovień ŭzajemadziejańnia pamiž pradpryjemstvami vielmi vysoki.

Pres-słužba «Raskosmasu» paćvierdziła ria.ru, što ŭ CNDIMaš iduć pieratrusy.

Клас
0
Панылы сорам
0
Ха-ха
0
Ого
0
Сумна
0
Абуральна
0