Avaryja zdaryłasia a 20-j hadzinie ŭ piatnicu kala vioski Hałynka, paviedamlaje hrodzienskaja milicyja.

67-hadovy minčuk nie spraviŭsia z kiravańniem i apynuŭsia ŭ kiuviecie. Ad atrymanych traŭmaŭ jon pamior na miescy zdareńnia. Traŭmy taksama atrymaŭ 46-hadovy pasažyr, jaki znachodziŭsia na piarednim siadzieńni aŭtamabila.

Ale pra DTZ stała viadoma tolki ŭ niadzielu ŭ abied. Mašynu znajšli ŭ kustach vypadkovyja minaki, niedaloka ad jaje znachodziłasia i cieła kiroŭcy. Chutka supracoŭniki DAI vyśvietlili asobu pasažyra.

U subotu hety mužčyna źviartaŭsia ŭ balnicu pa miedycynskuju dapamohu, adnak tam nie paviedamiŭ ab zdareńni, a pierałom rebraŭ patłumačyŭ padzieńniem z vyšyni.

Milicyja ciapier vyśviatlaje, čamu jon pramaŭčaŭ pra takoje surjoznaje zdareńnie.

Клас
0
Панылы сорам
0
Ха-ха
0
Ого
0
Сумна
0
Абуральна
0