Siońnia pa inicyjatyvie rasijskaha boku adbyłasia telefonnaja razmova Alaksandra Łukašenki z prezidentam Rasii Uładzimiram Pucinym, paviedamlaje pres-słužba biełaruskaha kiraŭnika.

Kiraŭniki dziaržaŭ abmierkavali kompleks pytańniaŭ dvuchbakovaha paradku dnia, zrabiŭšy akcent na pašyreńni handlovaha supracoŭnictva. Baki damovilisia praciahnuć uzajemnyja namahańni ŭ intaresach zachavańnia pazityŭnaj dynamiki ŭzajemadziejańnia. Uładzimir Pucin zaprasiŭ Alaksandra Łukašenku ŭ najbližejšy čas naviedać Rasiju. Mahčymaja sustreča dvuch lidaraŭ, padčas jakoj płanujecca detalova abmierkavać uvieś śpiektr dvuchbakovych adnosin, moža adbycca ŭ Sočy.

Asobnuju ŭvahu kiraŭniki krain nadali pašyreńniu intehracyi ŭ Jeŭrazijskim ekanamičnym sajuzie, realizacyi dasiahnutych raniej damoŭlenaściej pamiž krainami-čalcami JEAES, abmierkavaŭšy taksama šerah arhanizacyjnych pytańniaŭ z ulikam praviadzieńnia 27 lipienia ŭ Sankt-Pieciarburhu pasiadžeńnia Jeŭrazijskaha mižuradavaha savieta.

Kiraŭniki dziaržaŭ razhledzieli i mižnarodny paradak dnia. U pryvatnaści, padrabiazna byli abmierkavany rasijska-amierykanskija adnosiny, u tym liku vyniki niadaŭnich pieramoŭ Uładzimira Pucina i Donalda Trampa ŭ Chielsinki. Rasijski lidar prainfarmavaŭ Alaksandra Łukašenku ab niuansach praviedzienaj sustrečy.

Asnoŭnaja ŭvaha ŭ chodzie razmovy była ŭdzielena pytańniam kantrolu nad uzbrajeńniami i padaŭžeńnia Dahavora ab skaračeńni stratehičnych nastupalnych uzbrajeńniaŭ (SNU-III) pamiž Rasijaj i ZŠA, termin dziejańnia jakoha minaje ŭ lutym 2021 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0