Pasoł Rasii ŭ Biełarusi Alaksandr Surykaŭ u efiry telekanała «Mir» zajaviŭ, što pastaŭki sankcyjnaj pradukcyi ŭ Rasiju praź Biełaruś nie abychodziacca biez rasijskaha biznesu.

Jon padkreśliŭ, što heta rasijskija pastaŭščyki stracili dachody ad sankcyj, jakija ŭviała Rasija, i bolšaść parušeńniaŭ prypadaje mienavita na rasijskija firmy.

«Voś jak jany atrymlivajuć biełaruskija supravadžalnyja dakumienty — heta druhoje pytańnie», — adznačyŭ Surykaŭ.

Asnoŭnym dasiahnieńniem 26-hadovych dypłamatyčnych adnosin Maskvy i Minska pasoł nazvaŭ toje, što da stvareńnia tak zvanaj «sajuznaj dziaržavy» hramadskaja dumka Biełarusi schilałasia chutčej da sajuza z Zachadam, i mienš — z Rasijaj. Zaraz ža, jak ličyć Surykaŭ, situacyja źmianiłasia. «Na 1 studzienia 2018 hoda, pavodle acenak niezaležnych zachodnich ekśpiertnych łabaratoryj, 65% biełarusaŭ chočuć žyć u sajuzie z Rasijaj, a tolki 20% — ź ES», — adznačyŭ pasoł.

Клас
0
Панылы сорам
0
Ха-ха
0
Ого
0
Сумна
0
Абуральна
0