Premjer-ministr Aŭstralii Małkołm Ternbuł abvierhnuŭ infarmacyju pra toje, što Kanbiera maje namier dapamahčy Vašynhtonu nanieści avijaŭdar pa jadziernych abjektach Irana, paviedamlaje The Guardian.

«Siońnia ja ŭbačyŭ siužet na ABC, u jakim była zroblena spasyłka na krynicy va ŭradzie Aŭstralii. Heta śpiekulacyja, heta zasnavana na ananimnych krynicach», — skazaŭ jon.

Pa słovach aŭstralijskaha premjera, u jaho niama padstaŭ mierkavać, što prezident ZŠA Donald Tramp rychtujecca da vajennaj kanfrantacyi. Ternbuł dadaŭ, što staŭleńnie amierykanskaha lidera da Irana dobra viadoma, a ŭ materyjale ABC niama jakich-niebudź spasyłak na kansultacyi asabista ź im, a taksama ź ministram zamiežnych spraŭ Aŭstralii i ministram abarony.

Raniej aŭstralijskaja viaščalnaja karparacyja ABC, spasyłajučysia na krynicy, paviedamiła pra toje, što ZŠA pry padrychtoŭcy ŭdaru pa Iranie, imavierna, buduć zadziejničać abaronnyja abjekty Aŭstralii. Heta, pa ich słovach, moža adbycca ŭžo ŭ žniŭni. U Kanbiery pry hetym užo vykazali hatoŭnaść dapamahčy Vašynhtonu vyznačyć mahčymyja celi, adznačyli krynicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?