Lidar «Ruchu za demakratyčnyja pieramieny» (DDP) i hałoŭny apazicyjny kandydat na pasadu prezidenta Zimbabve Nelsan Čamisa ŭ aŭtorak zajaviŭ pra svaju pieramohu na praviedzienych 30 lipienia prezidenckich vybarach.

«Bliskučaja pieramoha … my vydatna spravilisia», - napisaŭ Čamisa u svaim Twitter, spasyłajučysia na vyniki padliku hałasoŭ z 10 tysiač vybarčych učastkaŭ, jaho zajavu pieradaje ahienctva Agence France-Presse. «My hatovyja da farmiravańnia novaha ŭrada», - adznačyŭ apazicyjny kandydat.

Prezidenckija i parłamienckija vybary ŭ Zimbabve prajšli ŭ paniadziełak biez surjoznych incydentaŭ i parušeńniaŭ. Heta vośmyja vybary z momantu atrymańnia niezaležnaści krainy ad Vialikabrytanii ŭ 1980 hodzie i pieršyja z tych časoŭ, jak u listapadzie 2017 hodu ad ułady byŭ adchileny 93-hadovy Robiert Muhabe, što zajmaŭ pasadu kiraŭnika dziaržavy na praciahu 30 hadoŭ.

Darečy, były dyktatar Zimbabve na vybarach padtrymaŭ apazicyju.

Hałoŭnym supiernikam Čamisy źjaŭlajecca dziejučy prezident Emiersan Mnanhahva, jaki pryjšoŭ da ŭłady paśla adchileńnia Muhabe. Mnanhahva taksama prakamientavaŭ vyniki hałasavańnia, napisaŭšy ŭ Tvitary, što «infarmacyja ad našych pradstaŭnikoŭ na miescach nadzvyčaj stanoŭčaja».

Aficyjnyja vyniki majuć być ahučanyja ŭ subotu, 4 žniŭnia.

Клас
Панылы сорам
Ха-ха
Ого
Сумна
Абуральна