Karaleŭskija pinhviny płodziacca na vyspach na poŭnač ad Antarktydy.
Najbujniejšaja ŭ śviecie kałonija karaleŭskich pinhvinaŭ ad 1980-ch hadoŭ skaraciłasia na 90%, havorycca ŭ novym daśledavańni.
Zdymki sa spadarožnika pakazvajuć - kolkaść ich par pamienšyłasia na 88% za try apošnija dziesiacihodździ. Pra heta havorycca ŭ artykule časopisa «Antarktyčnaja navuka».
Kałonija žyvie na biaźludnaj vyśpie Kašon u Indyjskim akijanie pamiž Afrykaj i Antarktydaj. Na fota, jakija zrabili pamiž 2015 i 2017 hadami, možna ŭbačyć tolki 60 000 par pinhvinaŭ. A na zdymkach, zroblenych u 1980-ch, ich było paŭmiljona.
Druhija pa pamierach paśla impieratarskich, karaleŭskija pinhviny płodziacca na vyspach z umieranym klimatam na poŭnač ad bierahoŭ Antarktydy. Lutaŭskaje daśledavańnie Univiersiteta Strasburha pakazała, što ptušynyja kałonii mohuć być u niebiaśpiecy z-za źmieny klimatu. Mnohija vyspy ŭ Antarktyčnym akijanie, na jakich žyvuć pinhviny, stanoviacca nieprydatnymi dla ich z-za źniknieńnia ježy. Vykidy parnikovych hazaŭ prymušajuć rybu i kalmaraŭ - asnoŭnuju ježu pinhvinaŭ - sialicca zanadta daloka ad astravoŭ, vyrakajučy ptušak na hoład.
