Eŭraźviaz abmiarkoŭvaje z ZŠA budaŭnictva partoŭ dla pryjomu amerykanskaha zvadkavanaha pryrodnaha hazu. Pra heta ŭ Vašynhtonie padčas supolnaj pres-kanferencyi z premjer-ministram Italii paviedamiŭ prezydent ZŠA Donald Tramp. Pavodle jaho, havorka idzie pra 9-11 partoŭ. Za ich budaŭnictva EZ hatovy zapłacić samastojna, piša radyjo «Svaboda».
ZŠA viaduć sprečku z Eŭraźviazam vakoł budaŭnictva rasiejskaha hazapravodu «Paŭnočny patok — 2». Akramia taho, Vašynhton pahražaje ŭvieści sankcyi ŭ dačynieńni da kampanij, jakija investujuć u rasiejskija prajekty ekspartu enerhanośbitaŭ.
U kancy červienia krynica Reuters zajaviła, što Niamieččyna atrymała ad Złučanych Štataŭ harantyi, što ŭvodžanyja Vašynhtonam sankcyi ŭ dačynieńni da Maskvy nia buduć raspaŭsiudžvacca na budaŭnictva hazapravodaŭ z Rasiei ŭ krainy EZ.
Hazapravod «Paŭnočny patok-2», jaki projdzie z Rasiei ŭ Niamieččynu pa dnie Bałtyjskaha mora, moža być uviedzieny ŭ ekspluatacyju da kanca 2019 hodu. Dazvoł na jaho pabudovu vydali ŭłady Švecyi, Finlandyi i Niamieččyny. Suprać prajektu aktyŭna vystupajuć krainy Bałtyi, Polšča, Ukraina i ZŠA.
