Usio heta ŭčyniła žančyna ŭ adnoj ź viosak Słuckaha rajona, paviedamlaje kurjer.info. Žančyna była ćviarozaja, ale rastłumačyć svaje pavodziny jana nie zmahła.
Padrabiaznaści raspaviała Taćciana Čornaja, staršy śledčy Słuckaha RUUS. Padazravanaja (45-hadovaja miascovaja žycharka) i paciarpiełaja (44-hadovaja saliharčanka) — susiedki. Viaskoŭka praz aharod prybiehła ŭ dvor da saliharčanki, biehała pa terytoryi, a potym schapiła z kučy cahlinu i kinuła jaje ŭ BMW X5. Kali na vulicu vyjšła haspadynia sa svajakami, što jakraz byli ŭ haściach, žančyna ŭciakła praz dvary i aharody susiedziaŭ.
Kab schavacca ad milicyi, jana skoknuła ŭ kałodziež na svaim padvorku. Dastavali jaje adtul supracoŭniki MNS.
«Napiaredadni kanfliktu ŭ susiedak nie było. A sama padazravanaja tak i nie zmahli patłumačyć pryčynu svaich pavodzin. Žančyna raniej nie traplała ŭ pole zroku milicyi. U dačynieńni da jaje raspačataja kryminalnaja sprava za chulihanstva. Joj pahražaje da 3 hadoŭ pazbaŭleńnia voli», — raspaviała Taćciana Čornaja.
Heta adbyłosia 29 lipienia kala 16 hadzin u adnoj ź viosak Słuckaha rajona. Nahadajem, u hetyja dni ŭ Biełarusi ŭstalavałasia haračaje nadvorje, z-za jakoha sinoptyki abviaścili aranžavy ŭzrovień niebiaśpieki.
