Palicyja šukaje nieviadomaha mužčynu, jaki zładziŭ pažar na zapraŭcy ŭ Ńju-Jorku. Videa ź miesca zdareńnia raspaŭsiudziła palicyja horada, paviedamlaje The Independent.
Na kadrach bačna, jak małady čałaviek pačynaje lić paliva ŭ kanistru, zatym trochi pralivaje na padmurak terminała, a paśla całkam ablivaje jaho bienzinam. Potym chucieńka padpalvaje papierku, jakuju ŭvieś hety čas trymaje ŭ ruce, i kładzie jaje ŭ łužynu.
Paliva ŭ momant uspychvaje, tak što padpalščyk ledź paśpiavaje adbiehčy. U vyniku zdareńnia paciarpieŭ adzin čałaviek, jaki znachodziŭsia pobač. 21-hadovaha chłopca dastavili ŭ balnicu z mocnymi paškodžańniami.
Pavodle palicyi, padpalščyk źbieh. Adznačajecca, što jon pryjechaŭ na zapraŭku ŭ rajonie Stejten-Ajlend na sinim minivenie.
