U rasijskaj turmie da ŭkrainskaha palitviaźnia Aleha Siancova nie puścili śviatara.
Pra heta paviedamiła ŭ Facebook žurnalistka Viktoryja Iŭleva.
«Načalnik u Jamała-Nienieckaj aŭtanomnaj akruzie pałkoŭnik unutranaj słužby Alaksandr Novikaŭ admoviŭ ajcu Ryhoru (Michnavu-Vajcienku), jepiskapu apostalskaj pravasłaŭnaj carkvy, u sustrečy ź Siancovym», — adznačaje jana.
Pavodle jepiskapa, jaho razmova z Novikavym była narmalnaj, pakul jon nie pačuŭ proźvišča źniavolenaha.
«Pačuŭšy «Siancoŭ Hienadźjevič, 1976 h.n.», Novikaŭ prosta źmianiŭsia z tvaru i zajaviŭ mnie dasłoŭna tak: Ja nie baču metazhodnaści ŭ vašaj sustrečy ź Siancovym», — paviedamiŭ ajciec Ryhor.
Dalej, jak raspavioŭ Ryhor, Novikaŭ nacisnuŭ na knopku, vyklikaŭ dziažurnaha i zahadaŭ pravieści śviatara da dźviarej.
